බස්නාහිර පළාත් ආණ්ඩුකාරවර ගරු ඒ.ජේ.එම්. මුසම්මිල් මැතිතුමා විසින් හජ් උත්සවය සඳහා නිකුත් කල පණිවිඩය

මාගේ වන්දනා ගමන අතරතුර මැකා නම් වූ පූජනීය මක්කම නගරයේ සිට මෙම පණිවිඩය එවීමට හැකිවීම පිළිබද මම සතුටට පත්වීමි. මෙම පූජනීය භුමියේ සිට ශ්‍රී ලංකාවේ හජ් උත්සවය සමරන මුස්ලිම් බැතිමතුන්හට සුභාෂිංශන එක් කිරීම හැකිවීම මා ලද විශේෂ වරප්‍රසාදයක් මෙන්ම ගෞරවයකි.

ලොව වටා වෙසෙන මුස්ලිම් බැතිමතුන් ලෝක සාමය උදෙසා යාතිකා කිරීමට එකට එක් වන මෙම හජ්ජි උත්සවය සැමටම ආදර්ශයක් බව මම විශ්වාස කරමි. වාර්ෂික හජ් වන්දනාව සිදු කිරීම සඳහා ලොව නන්දෙස වෙසෙන මුස්ලිම් බැතිමතුන් විශාල වශයෙන් මැකා සහ මෙදීනා පූජනීය නගර වෙත පැමිණෙති. හජ්ජි ආගමික චාරිත්‍ර ඉටු කිරීම මඟින් සමඟිය, සමානාත්මතාවය මෙන්ම ආගමික පුනර්ජීවය පිළිබිඹු කරයි.

ආගම් භේද නොසලකා සෑම ජන වර්ගයකටම පිළිගත හැකි රාජ්‍ය ක්‍රමයක් ඇති කිරීම සඳහා රජය විසින් ගොඩනැගු ප්‍රතිසංස්කරණයන්ගේ සාර්ථකත්වය තහවුරු කරගැනීමට මෙම උත්සවය අවස්ථාවක් කර ගනිමු. අවබෝධය, ඉවසීම තුලින් සදාකාලික සාමයක් ලගා කර ගැනීමේ උත්සාහයක අප නිරතව සිටින අතර හජ් උත්සවය මගින් සැම දෙනා අතරම සහෝදරත්වයේ හැගීම ඇති කරන බැවින් එය ශ්‍රී ලාංකිකයන්ට සුවිශේෂි වේ.

මා විශ්වාස කරන ආකාරය හජ් උත්සවය අනෙක් පුද්ගලයන්ට ගරු කරමින් සාමකාමි දිවි පෙවෙතක් ගත කිරීමට මිනිසුන්ට අනුබල දෙන අතර පරාර්ථකාමි සමාජයක් ඇති කිරීමට දායක වේ.

මෑතකදි පැවැත්වූ ලෝක මුස්ලිම් සම්මේලණයේ මහ ලේකම් වන අතිගරු ආචාර්ය ෂෙයික් මොහොමඩ් බින් අබ්දුල්කරිම් අලිස්සා මැතිතුමා සහභාගි වූ සාමය සමාදානය සහ සහජීවනය පිළිබද වූ සමුළුව විසින් ආගම්වල සැබෑ අරුත එනම් අන්අයගේ ආගම්, සංස්කෘතීන්ට ගරු කරමින් සාමයෙන් සමාදානයෙන් සහ අවබෝධයෙන් සිටිය යුතු බව පෙන්වා දුනි.

මා ඔබෙන් ඉල්ලා සිටින්නේ තව දුරටත් ඉවසීලිවන්තව සිට අනෙකුත් ජන සමාජයන්හට ඉස්ලාම් දහම යනු ආදරය, මිත්‍රත්වය, සාමය සමාදානය සහ සහජීවනය ප්‍රවර්ධනය කරන දහමක් බව වටහා ගැනිමට අවස්ථාව ලබා දෙන ලෙසය. මෙම උතුම් දිනයේ මා ශ්‍රී ලාංකික මුස්ලිම්වරුන්ගෙන් ඉල්ලා සිටින්නේ රටේ ස්ථාවරත්වය සඳහා සාමකාමි පරිසරයක් පවත්වාගෙන යාම සඳහා කැපවන ලෙසයි. ශ්‍රී ලංකාවේ අභීවෘද්ධිය වෙනුවෙන් කටයුතු කිරීමට අපි එක්ව කටයුතු කරමු.

ශ්‍රී ලාංකික මුස්ලිම්වරුන්හට ප්‍රීතිමත් හජ්ජි උත්සවයක් වේවායි මම ප්‍රාර්ථනා කරමි. ඊද් මුබාරක්!